Тив дэлхийд улс эх орныхоо нэрийг гаргаж буй тамирчиддаа уламжлал ёсоор төр засаг, нутаг эх орноос нь дэмжлэг туслалцаа үзүүлдэг билээ. Тэгвэл энэ удаад шагналын хур “Рио-2016” паралимпийн хүрэл медальт Э.Содномпилжээг тойрон өнгөрсөнд сошиал ертөнцийн хэрэглэгчид маань ихэд бухимдаж байснаа илэрхийлсэн юм. Тэгвэл Г.Дамбадаржаа гэх энэ залуу тамирчиндаа байр авч өгөх “Ард түмний бэлэг” аянг өчигдөрөөс нээж Э.Содномпилжээгийн нэр дээр данс нээн, ард түмнийг боломжоороо мөнгө шилжүүлэхийг уриалсан юм.

Уг аяныг эхлүүлсэн даруйд баяртай мэдээ ар араасаа дагуулсаар байгаа юм. Тодруулбал “Энсада холдинг” компаниас Э.Содномпилжээд хоёр өрөө байр бэлэглэхээр болжээ мөн Орхон аймгийн удирдлагууд тамирчинг өчигдөр хүлээн авч, хүндэтгэл үзүүлсэн юм. Энэ үеэр тус аймгийн засаг дарга Д.Батлут түүнийг Эрдэнэт хотын хүндэт иргэн болгож, нэг өрөө байр, нэг сая төгрөгөөр шагнахаар болсноо уламжиллаа. Ямартайч сайн санааны үзүүрт шар тос гэж ардын сайхан үг байдгийн жишгээр сайхан сэтгэлт залуусын дэмжлэгээр дөнгөж төрсөн нялх амьтан хүйтэн байшинд өвөлжихөөргүй боллоо.

Эх сурвалж:Шуурхай.мн