“Эрдэнэс Монгол” компанийн Гүйцэтгэх захирлаар Б.Бямбасайханы оронд Ц.Түмэнцогтыг томилжээ. Б.Бямбасайханы тухайд  Гүйцэтгэх захирлын ажлаас нь чөлөөлөх гэж байгаа гэсэн мэдээлэл хэд хоногийн өмнө гарч байсан. Тэгвэл ээлжит томилгоо ийн хийгдлээ.

Гэхдээ Ц.Түмэнцогтын тухайд “Эрдэнэс Монгол” компанийн Гүйцэтгэх захирлаар  ажиллахад эрх ашгийн зөрчил дагуулахгүй гэдэг асуулт тавигдаж байна. Учир нь тэрбээр АНУ-ын “Женерал Электрик” компанийн Монгол дахь суурин төлөөлөгчөөр 5 жил ажиллаж байгаа. Тэгвэл өнгөрсөн 6 дугаар сард “Эрдэнэс Монгол” компани “Женерал Электрик” компанитай Хамтран ажиллах санамж бичиг байгуулж, “Эрдэнэс Монгол” компанийн охин болон хараат компаниудын чадавхийг сайжруулах, үйл ажиллагааны үр ашгийг нэмэгдүүлэх зэрэг чиглэлд хамтран ажиллахаар болсон байдаг.

Тэгвэл одоо “Женерал Электрик”-ийн суурин төлөөлөгч нь тус компанийг удирдах болж байна.

Эх сурвалж: Шуурхай.мн