Өчигдөр Иргэний Зориг Намын 8-р их хурал өчигдөр болж өнгөрлөө.
Хуралд нийт 500 төлөөлөгч оролцсон агаад Монголын Ногоон Намд байсан  УИХ-ын гишүүн Д.Энхбат,  Ерөнхийлөгчийн зөвлөх Э.Зоригт, ИХН-ын дэд дарга Д.Батбаяр, хуульч Ч.Энхзаяа нарын нэр бүхий хүмүүс тус намд дагаар орж, намын нэрийг Иргэний Зориг Ногоон Нам хэмээн өөрчлөх санал гаргасан байна.

Ингэснээр уг саналыг хэлэлцэн, хурлын төлөөлөгчдийн дийлэнхи олонхийн саналаар намын нэрийг ИЗНН болгон өөрчилж, үзэл баримтлал, туг, далбааг шинэчилжээ.

Мөн тус нам гурван дэд даргатай байхаар шийдвэрлэсэн бөгөөд УИХ-ын гишүүн С.Оюун, УИХ-ын гишүүн Д.Энхбат, МҮХАҮТ-ийн дарга С.Дэмбэрэл нар уг албыг хашихаар болсон аж.
Харин тус намыг  2002 оноос хойш санхүүжүүлж ирсэн “Бодь” группийн ТУЗ-ийн гишүүн М.Зоригт уг хуралд оролцоогүй агаад түүнийг АН-д элсэхээр болсон тухай яриа дуулдаж буй юм.

Б.Үнэнбат