МҮЭХ-ныхон Өмнөговь аймаг дахь “Саусгоби сэндс” ХХК -ийн үйл ажиллагаанд шалгалт хийхээр  очжээ.  Тэдэнтэй хамт Хүний эрхийн үндэсний комиссынхон хамт явсан бөгөөд тус компанийнхан тэднийг дотогш нэвтрүүлээгүй аж.

Тус компани удаа дараа ноцтой зөрчил гаргаж, ажилчдаа хохироосон. Энэ үйлдлээ нуун дарагдуулдаг, хууль хяналтынханд авлига өгдөг  нь баримтаар нотлогдож байгаа. Иргэдийнхээ өмнөөс хүний эрх, ажиллах нөхцөл зэргийг нь шалгахаар ирж байгаа төрийн болон олон нийтийн байгууллагынхныг оруулахгүй байгаа нь мөн л хууль зөрчсөн үйлдэл.

Энэ компанид Монгол Улсын хууль үйлчлэхгүй байна гэж Монголын Эрчим хүч, геологи, уул уурхайн ҮЭХ-ны дарга С.Ганболд хэлсэн юм. 48 ажилтан цалин хөлсөө нэмэгдүүлж, ажлын байрны орчин нөхцлөө сайжруулах хүсэлт тавьсныхаа төлөө ажлаасаа халагдсан.

Дараа нь тушаалыг нь өөрспдийн хүсэлтээр ажлаас  гарсан хэмээн өөрчилсөн. Энэ үйлдлийг нь шалгуулах гэхээр хууль хяналтынхан хөдлөхгүй байна гэдгийг ч хэлж байлаа.
Х.Халиун  www.times.mn