Өөрийгөө Монголын нийгмийг өөрчлөлтөд дагуулах  тэмцэгч гэж нийгэмд ойлгуулахыг хичээж харагддаг О.Магнайд төрийн түшээ болох хүсэл сонирхол өндөр хувиар байдаг гэдгээ өнгөрсөн сонгуулиар баталгаажуулсан билээ. Гол нь нэр дэвшсэн Сонгинохайрхан дүүргийнхээ иргэд сонгогчдыг дорд үзсэн алхмууд хийсэн нь түүнийг ялагч биш ялагдагч болгоход хүргэсэн гэж болно. Иргэдийн амьдрал ахуй тааруу байж болно, галдаа хийх нүүрсгүй байгаа байж болно, гэсэн ч иргэдийн амьдрал ахуйг угтах жилүүдэд өөдөлж дэвжихэд тустай том харсан алхмуудыг хийж чадах тийм л зөв хүмүүсийг иргэж хүсч байгаа нь үнэн шүү дээ. Гэтэл иргэдийн өнөө маргаашийн жаал жуул хэрэгцээн дээр дөрөөлж, нүүрс тарааж, өвгөд хөгшчүүлийн сэтгэлийг татах гэж өвлийн өмд тарааж,  Цонжинболдогт аваачиж салхинд гаргаж, гарын бэлэг тарааж,  заримд нь савтай сүү бэлэглэсэн талаар нь хүмүүс хэлж ярьцгаах болж.  Ер нь бол мань эр сонгогчдын итгэлийг олж авахын тулд бусдаас ялгарахааргүй л арга хэрэглэж байгаа бололтой юм.

Дашрамд өгүүлэхэд, ШӨХТГ-ын даргаар О.Магнайгийн дараа томилогдож байсан Т.Аюурсайхан “О.Магнай ШӨХТГ-ын дарга байх хугацаандаа “монопол” гэгддэг томоохон аж ахуйн нэгжүүдийг шүүхэд өгч байгаагаа олон нийтэд зарлаж нэр хүнд олоод, шүүхийн шатанд тухайн байгууллагуудтай зөвшөлцөж, их хэмжээний мөнгө авдаг байсан” хэмээн ярьсан байдаг. Харин О.Магнайгийн тухайд Т.Аюурсайханы энэхүү ярианд хариу тайлбар хийдэггүй юм.

Б.Тамир

Эх сурвалж: Шуурхай.мн