Намаасаа гараад АН-аас нэр дэвшихээр болсон С.Дэмбэрэл  оффшорын  асуудлаар байр сууриа илэрхийлжээ. Тэрээр  “З.Энхболд дарга оффшор данстай хүнийг нэр дэвшүүлэхгүй гэж хэлсэн байна лээ. Би юу гэж ойлгосон гэхээр оффшор данстай хүн төрийн өндөр албан тушаалд нэр дэвших нь зохистой бус гэдэг утгаар хэлсэн гэж ойлгосон. Түүнээс биш нэр дэвших эсэх миний ойлгож байгаагаар тухайн намын анхан шатны үүрээс хүмүүс энэ хүнийг дэвшүүлье гээд явдаг процедур.

Тэр нэр дэвшсэн хүн нь хэрэв оффшор данстай байвал тухайн намын нэр хүндэд ямархуу нөлөөлөх вэ. Аль ч нам байж болно. Тэгэхээр тухайн намын холбогдох хурлууд нь шийдэх асуудал. Энэ бол зохистой бус гэсэн асуудал. Жишээ нь А гэдэг хүнийг нэр дэвшүүлчихлээ гэж бодоход тухайн намын сонгуулийн бодлого, намынх нь нэр хүндэд яаж нөлөөлөх вэ гэдгийг сайн бодох хэрэгтэй”  хэмээн хэлсэн байна.

Б.Тамир

Эх сурвалж: Шуурхай.мн