Энэ бол шинэ зүйл биш ажээ. Чингэлтэй дүүргийн бараг төвийн гэх нэгэн буудлын эзэн танилтайгаа уулзан, хэдэн хором хууч хөөрөхдөө хачин этгээд, эсэн бусын юм үзэв. Биднийг ярилцан суух үед такси хөлсөлсөн зочид ирсэн нь дүрэмт хувцас бүхий гурван цагдаа, гурван хүүхэн байлаа. Тэд гурван цаг орогнох өрөө сураглав.

Эзэн эвтэйхэн татгалзаж тэднийг үдээд ийн ярилаа. “Манай дүүргийн цагдаа нар явна. Өрөө бий л дээ. Элдвээр дарамтлаад үнэ хөлсгүй байрлах гээд байдаг юм. Дүрэмт хувцастайгаа яваа нь тийм учиртай. Хүүхнүүд нь харваас энэ хавиар явдаг хэд байна” гэв. Төрийн хууль сахиулах ёстой улс өөрсдөө хуулиа зөрчин ийн явдаг юм байна. Тэд хажуугийн нэгэн буудалд ороод мөн л гарч харагдав. Эзэн нь бас л хүлээж авсангүй бололтой. Хэн тэдэнд элдвээр дарамтлуулахыг бодохов дээ. Цагдаа нар буудал хайсаар хаа нэгтээ рүү явж одлоо.
М.Тэлмэн (www.wikimon.mn)