Сангийн яам өнгөрсөн сарын төсвийн үзүүлэлтүүдийг танилцуулжээ. Төсвийн орлого өнгөрсөн сард 1,6 их наяд төгрөг болсон бол зарлага 2,3 их наяд болж, 663 тэрбум төгрөгийн алдагдал хүлээжээ. Уг нь энэ оны төсвийн төсөлд алдагдал 900 гаруй тэрбум төгрөг байхаар баталсан. Гэтэл ердөө дөрөвдүгээр сар гэхэд үүний 75 орчим хувьд хүрчээ. Төсвийн орлого төлөвлөсөн хэмжээнээсээ буурахад орлогын албан татвар 52, НӨАТ 21, онцгой албан татвар 17 хувиар тус тус буурсан нь нөлөөлжээ. Иймээс ойрын хугацаанд төсөвт тодотгол хийх нь тодорхой болжээ.