МАН-ын Удирдах зөвлөлийн “шүүлтүүрээр” орж Ш.Жадамбаа генералын хүү Ж.Энхбаяр “Монгол Улсын төлөө зүтгэе” гэхээр нэр дэвшээд байгаа.

Түүний аав Ш.Жадамба нь жирийн байлдагчаас дэслэгч генерал, жагсаалын цэргээс Монгол төрийн сайд хүртэл хийж явсан эрхэм. Аав минь 36 насандаа генерал болж байхад би 36 насандаа УИХ-ын гишүүн болсноороо бахархдаг хэмээн Ж.Энхбаяр гишүүн ярих дуртай.

П.Жасрайн гуайн тэргүүлсэн Засгийн газрын бүрэлдэхүүнд Ш.Жадамбаа генерал багтаж Батлан хамгаалахын сайдаар ажилласан явсан түүхтэй. Аавынхаа тэргүүлж явсан салбарынх нь сайдаар ажиллах боломж надад тохиосонд бахархаж байна хэмээн ярих боломж гишүүнд маань олдох болов уу.

Эх орныхоо торгон хилийн манаанд хүчин зүтгэсэн, цэргийн түүхийг сайтар судалсан эрдэмтэн, олон улсын цэргийн хүрээнд онц хүндэтгэлтэй, цөөн тооны Монгол жанжин, төрийн хичээнгүй сайд явсан хэмээн Ш.Жадамбаа генералын хувьд яах аргагүй зангарагтай хүн дээ.

Б.Ирээдүй