Дээд шүүхийн Эрүүгийн хэргийн танхимд “Нүүрс” хөтөлбөрөөс их хэмжээний мөнгө завшсан Л.Гансүх, Н.Даваахүү, Б.Мөнгөнтуяа нарт холбогдох хэргийг хянан шийдвэрлэх шүүх хурал өнөөдөр 09.00 цагт эхэлсэн.

Шүүх хуралд УИХ-ын гишүүн Н.Алтанхуяг, түүний өмгөөлөгч Ц.Баасандорж нарын гурван өмгөөлөгч, прокурор Бурмаа нар иржээ. Гэвч шүүх бүрэлдэхүүн хуралдаж, шүүгчид Л.Гансүхийг шүүх хуралд оролцуулах боломжгүй гэсэн шийдвэр гаргажээ. Мөн өмгөөлөгч Ц.Баасандорж проектор ашиглаж нотлох баримтыг тайлбарлая гэсэн хүсэлт гаргасныг шаардлагагүй гэж үзсэн байна. Учир нь өнөөдрийн шүүх хурлаар нотлох баримтыг шинжилж шалгахгүй гэсэн байна. Тиймээс Л.Гансүхгүй шүүх хурал болж байна. Дашрамд дуулгахад, Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхээс Л.Гансүхийг бусадтай бүлэглэн урьдчилан үгсэн тохиролцож алба тушаалын байдлаа урвуулан ашиглаж, гэмт үйлдлийг гардан зохион байгуулсан хэрэгт буруутган 4.6 жилийн хорих албан тушаал эрхлэх эрхийг 4 жилийн хугацаагаар хасах ял оноосон билээ.

О.Сайхан

Zaluu.com