үлдсэн Н.Энхбаяр өдгөө олон нууц баримт байгаа хэмээн эрх баригчдыг сандаргаж байгаа. Тэрээр өнгөрсөн намраас  эхлэн хамтарсан Засгийн газрыг МАНАН хэмээж, хүмүүсийг нэр цохон  нууцыг чинь задлана шүү гэж айлгаж эхэлсэн. Гэхдээ өдгөө Н.Энхбаярын ойр дотны хүмүүс “Өргөө” зочид буудлын хэрэгт холбогдсоноос биш нэр гараад байсан хүмүүсийн талаар ноцтой баримт дэлгэгдээгүй л байна. Магадгүй сонгууль дөхүүлж байгаад нууц хөзрөө дэлгэхээр зэхэж байж ч болох юм. Учир нь намынхаа хуучин нэрийг сэргээж, өөрийн гэсэн байртай болоод буй Н.Энхбаяр нэгэн нууц мэдээллийг дэлгэнэ гэсэн албан бус эх сурвалжийн мэдээлэл байна.
Эх сурвалжийн мэдээлснээр Оюутолгойгоос 9 орчим км-ийн зайд маш их хэмжээний нөөцтэй алтны орд байдаг аж. Энэ ордыг аль эрт илрүүлж нөөцийг тогтоосон бөгөөд тодорхой хүрээний хүмүүс л мэддэг гэнэ. Уг орд нь байшингаар жишиж үзвэл 880 м өндөртэй гэвэл Оюутолгой дөрвөн давхар байрны төдий л байх юм. Түүнчлэн “Оюутолгойд баригдаж байгаа үйлдвэрүүд тус ордын нөөцийг олборлоход хэт томдсон байгууламж” гэж үздэг мэргэжлийн хүмүүс байдаг билээ. Энэ нь дээрх орд байгаа гэх хардалтыг баталгаажуулах агаад олборлолтын амнаас газар доогуур туннель татаж байх ч магадлалтай юм.
Энэ бүхнээс тоймлон дүгнэвэл улс төрчид энэ ордыг нууж, өөрсдөө завших гэж байгаа бололтой. Эл орд магадгүй гэрээ хийсэн барьцаа ч байж болно.