Гэвч энэ шагнал түүнд баяр бас гуниг хоёрыг зэрэг авчирчээ. Учир нь хөгжмийн зохиолчийг  шагнал авсанд нь баяр хүргэж, гар барьж, тэвэрч байсан тэр олон хүний дунд хулгайч байсан гэнэ. Энэ талаар Т.Сэр-Од хөгжмийн зохиолч “Сэтгэл догдлуулсан баярт мөчийг ашиглан баяр хүргэх нэрээр “урт мөртлөө уран” гар сунган хүний халаасыг тэмтэрдэг нэгэн байдаг аж. “Морин хуур-2015” наадмын мөнгөн шагналыг маань халааснаас минь суйлж авсан тэр нэг хүнд хандаж хэдэн үг хэлье!!! Таны өнөөдөр олсон “олз” гээд бодож байгаа мөнгө их, багадаа гол нь биш, уран бүтээлч бидний хувьд хамтарч ажилласан бүтээлийн маань урамшуулал, дуунд дуртай ард түмний сэтгэл шингэсэн үнэ цэнэтэй зүйл байсан юм шүү!!!

Уран бүтээлийнхээ ариун сүмийг бид буян мөрийн газар гэж сүсэглэн дээдэлж явдаг жирийн л нэг бүтээлчид. Эрхэм танд хамгийн хүнд хэцүү цаг, нөхцөл байдал тохиолдоход ч гэсэн хэнийг ч гэж ялгалгүй бүтээлээрээ сэтгэлийг тань ариулж, сэргээж өгөхсөн гэж хичээж, бүтээж туурвиж яваа л хүмүүс. Хамтарсан уран бүтээлчиддээ шагналынхаа хишгийг нь хүртээх гээд очих хооронд ийм муухай юм болсонд хумслагч танд гомдох биш, харин ч таны өмнөөс маш их санаа зовж байна даа!!!! МУУ ХУЛГАЙЧ АА л гэж хэлье дээ, өөр хэлэх үг ч алга” бичжээ..