Хэнтий аймагт нэр дэвших хүсэл­тэй хүн МАН дотор чамгүй олон байгаа бололтой. “Их засаг” их сур­гуулийн ректор Н.Ням-Осорын эрх хүү Н.Учрал буюу Тимон нэр дэв­ших бэлтгэлээ хэдийнээс хийгээд эхэл­жээ. Мань хүн өнгөрсөн наадмаар Хэнтий аймгийн Өмнөдэлгэр сумын уугуул, Улсын харцага Э.Оюунболд түрүүлж, Улсын Арслан цолны бол­зол хангангуут орон сууц бэлэглэж, зангаргаа харуулсан билээ. Мөн тэрбээр У.Хүрэлсүхийг Шадар сайдаар ажиллах богинохон хуга­цаанд менежерээр нь ажиллаад амж­­сан сүйхээтэй нэгэн.

Гэтэл МАН-ын дэргэдэх Нийгмийн ардчилал-Монголын залуучуудын холбооны ерөнхийлөгчөөр ажиллаж байгаад АНУ-д суралцаад ирсэн Л.Оюун-Эрдэнэ мөн л аавынхаа нутагт нэр дэвшихийг хүсэж, тэнд үе үе очиж ард иргэдтэй уул­зан, өөрийнхөө бичсэн номыг хүр­тэл тараасан аж. Сонгуульд өрсөл­дөхийн тулд Л.Оюун-Эрдэнэ хүү алдарт Харвардын их сургуульд өөрийн зардлаар суралцаад ирсэн гэж яригддаг. Тус аймгийн МАН-ын хорооны дарга, УИХ-ын экс гишүүн Н.Ганбямба нэр дэвшээд нэмэргүй гэдгээ мэдэх тул залууст тээг садаа болоод байхыг хүсээгүй гэнэ.

Хоёр залууд шавар хаах гол хүн нь УИХ-ын гишүүн, Дархан аварга Б.Бат-Эрдэнэ юм. Сийрэг ухаантай хоёр залуу Баагий аваргын өмнүүр, хойгуур гүйж, бас гуйхыг хослуулан “Та энэ удаа намын нэрийн жаг­саалтад нэрээ бичүүлчихээч” хэмээн уралдан хошуу дэвсэж байгаа аж. Хэрэв Баагий аварга нэрээ намынхаа нэрийн жагсаалтад бичүүлвэл АН-д ашигтай гэдгийг сайн мэдэх тул одоогоор эцсийн шийдвэрээ гар­гаагүй суугаа гэнэ.

Эх сурвалж www.wikimon.mn