Цахим ертөнцөд “Hero Entertainmment”-ийн архиваас алдагдсан бичлэг шуугиан тариад буй. Энэ үйл явдалд холбогдуулан “Монгол тулгатны 100 эрхэм” нэвтрүүлгийн хөтлөгч П.Анужинг намын нөхөд болоод бусад иргэд буруутган зэвүүцэж буй гэнэ. Энэ байдлыг “Цензургүй яриа” нэвтрүүлгийг бэлтгэдэг сэтгүүлч Л.Мөнхбаясгалан эрс буруушааж П.Анужинг өмөөрөв. Тэрээр

Анужиндаа

Херо -гийн архивыг хулгайч аваад явчихжээ. Тэр дундаас Н.Энхбаярын нэвтрүүлгийн үеэр П.Анужин зочинтойгоо ярилцаж буй хэсгийг таслан авч ФБ, Твиттерээр нэг Ануг зүхсэн хүмүүс. Яагаад ингэнэ вэ? Намынх нь түүнийг бүр барьж идэх нь ээ. Хүн хүнээ боорлож, үгийн муухайгаар дайрч нулимж байхыг хараад сэтгэл сэмрэв. Амжилттай яваа нэгнээ доромжилон гутааж таашаал авцгаах гаж донгоо хэзээ болих юм бэ. П.Анужин бол сэтгүүл зүйн салбарт өнгө нэмсэн бүсгүй. Өнгө гэдгийг би зөвхөн гоо сайхнаар хэлсэнгүй. Мэдлэг чадварыг нь үнэлж манай салбарт оруулж ирсэн соёлыг нь бас хамааруулав. Түүний хийсэн бүтээснийг хэн ч баллуурдаж чадахгүй. Би сэтгүүл зүйд 20 оод жил халуунд нь халж, хүйтэнд нь хөрч өргөс бүрийг нь түүх гэж хичээсээр л яваа нэгэн. Олон ч зүйлийг давж өөрийгөө бүтээсээр ирлээ. Гэхдээ би П.Анужингийн хийж бүтээснийг хүлээн зөвшөөрч хайрлаж хүндэлдэг. Үеийн бүсгүй Ану бол сэтгүүл зүйгээс давсан бүтээл хийсэн нь олон хүний атаархлыг дагуулж яваа. “Монгол тулгатны 100 эрхэм” бол сэтгүүл зүйгээс хол давсан бүтээл юм шүү. Яахав ээ, орчлонгийн амьтад атаархалгүй л яахав. Гэхдээ нэгнээ алахаас наагуур үгээр намнаж байдгаа л больчих. Энэ орчлонг бүсгүйчүүд минь л хайраар аргадах учиртай. Хайр гэдэг бол уучлал, тэвчээр, нөхөрлөлийн нийлбэр юм. Тиймээс Ану минь бүгдийг нь уучлаад, тэвчээд гараарай. Бас чамд хань болж нөхөрлөлийг бүтээж тулж түших хүн надаас авахуулаад байна.Бүр ч олон ч байгаа хэмээжээ. Түүний бичсэн энэхүү сэтгэлийн үгсийг цахим хуудасны найзууд нь дэмжиж өөрсдийн бодлоо ч хуваалцжээ.

Эх сурвалж: Шуурхай.мн