“Камертон” хамтлагийн дуучин Мээдээ өнгөрсөн наймдугаар сард Барилгачдын талбайд байдаг “Доргио хаус” уушийн газарт танхайрчээ. Бидэнд олдсон мэдээллээр тэрбээр хоёр бүсгүйтэй хамт тус баараар үйлчлүүлж байгаад архины халуунд нэг эмэгтэйд гар хүрээд авсан аж. Энэ хэргийг Чингэлтэй дүүргийн Цагдаагийн хэлтсийнхэн шалгаж, тус дүүргийн про курорын газарт хянаж байгаа юм байна.

Уг хэргийн талаар прокуроруудаас лавлахад “Ийм хэрэг гарсан нь үнэн. Хэрэг мөрдөн байцаалтын шатанд байгаа учраас мэдээлэл өгөх боломжгүй. Тэгээд ч саяхан хавтаст хэргийг Нийслэлийн прокурорын газраас хянахаар татаж авсан. Тухайн хүний гэм буруутай эсэхийг шүүх л тогтооно” гэсэн юм.

Харин НПГ-ын эх сурвалж “Хохирогч, холбогдогчийн аль нэг нь гомдол гаргаагүй бол манайд уг хэргийг хянахгүй. Манайд Мээдээ буюу Мэнд-Амарт холбогдох хэрэг ирээгүй” гэлээ.