Өнгөрөгч мягмар гаригт БЗД-ийн Оргилуун төвийн хажууд байрлах “Loving Hut” хоолны газрын төхөөрөмж дэлбэрч, таван хүн биеийнхээ ихэнх хэсэгт түлэгдэж гэмтжээ. Гэвч тус хоолны газрынхан энэхүү хэргийг олон нийтэд мэдээлэхээс татгалзаж байгаа юм. Ямартай ч эх сурвалжын мэдээлж байгаагаар тус хоолны газрын зөөгч шанаган тогооны хоол захиалсан үйлчлүүлэгч нарт газыг нь буруу залгаж өгсөнөөс газ дэлбэрч энэ хэрэг гарсан гэнэ. Одоогийн байлаар хохирсон үйлчлүүлэгчдийн биеийн байдал тааруухан байгаа юм байна.