Манай улстай хил залгаа ӨМӨЗО-ны Шилийн гол аймаг, Эрээн  хот хооронд зорчигч тээврийн үйл ажиллагаа явуулах 375 км урт төмөр зам энэ оны эцсээр ашиглалтад орно.

 Тус төмөр зам Шилийн хот, Авга, Зүүн Сөнид хошуу, Эрээн хотоор дамжин Шили буудалтай нийлэх бөгөөд ӨМӨЗО-ны зүүн барууныг  холбосон төмөр зам  бөгөөд хилийн боомтын суваг юм.  Төмөр зам ашиглалтад орсноор Хятадын үндэсний “Нэг бүс Нэг зам”-ыг байгуулах түүнчлэн  бүс нутгийн эдийн засаг, нийгмийн хөгжилд чухал ач холбогдолтой  ба  Эрээн боомт, Монгол, Орос хоорондын тээврийн  хүчин чадавхийг  нэмэгдүүлнэ хэмээн Хятадын Олон улсын радиогийн вэбд мэдээлжээ.

Бээжин хот.Д.Энхчимэг

http://montsame.mn/