Нэгэн үе Монголын кино урлагт мандаж, шинээр гарсан кино бүрт дүр бүтээж үзэгчдээс өндөр үнэлгээ авч байсан сэтгүүлч мэргэжилтэй, жүжигчин О.Цэнгэл урлагтаа эргэн ирсэн билээ. Оюутан байхдаа л “Сайн уу, амьдрал минь”, “Боолын гэрээ”, “Гоёлын даашинз” зэрэг нэлээд хэдэн кинонд өөр хоорондоо эрс ялгаатай дүрүүдийг чадварлаг бүтээж байсан тэрбээр сэтгүүлч Б.Тэнгистэй ханилснаар урлагаасаа хөндийрч нам гүм амьдрах болсон. Ийнхүү хэдэн жил “сураг алдарсан” түүнийг үзэгчид ихэд үгүйлж байсан нь мэдээж. Сэтгүүлч Б.Тэнгистэй хувь заяагаа холбохоор хамтран амьдарч байсан хэдий ч хосууд салж жүжигчин бүсгүй маань таван жил гадаадад амьдарч байгаад эх орондоо ирээд байгаа. Эх орондоо ирсэн даруйдаа “Хамтран амьдрагч” УСК-нд дүр бүтээсэн юм. Одоогоор ганц бие урлагийн сайхан бүсгүй маань цахим ертөнцийн идэвхитэй хэрэглэгчдийн нэг. Цахим хуудсынхаа найзуудтай үргэлж үзэл бодлоо хуваалцаж, зөвлөгөө өгдөг тэрээр энэ удаад ихэд бухимдуу пост бичив. 

Эх сурвалж: Шуурхай.мн