УИХ-ын гишүүн Д. Оюунхорол энэ жил тойргоо сольж байгаа бололтой. Учир нь тэрбээр Завханаас нэр дэвшиж УИХ-д сонгогдсон ч тойрогтоо хийсэн бүтээсэн зүйлээр маруухан. Тодруулбал тойрогтоо 10 сая төгрөг хандивласан, театрт фургон машин бэлэглэсэн. Малчдад 52 тонн тэжээл хүргүүлсэн, гэр цэцэрлэг байгуулсан, иргэдэд гэр өгсөн, Идэр сумын ЗДТГ-ын байрны шав тавих ёслолд оролцсон зэрэг хийсэн ажлынх нь жагсаалт дуусах талруугаа хандаж байна.

Түүнчлэн санаачилсан хуулийн төсөл тааруухан. Хэдэн хуулийн төслийн ажлын хэсэгт багтсан ч бас л хэрэгжиж үр дүнгээ өгснийг нь тоолбол бас л бага. Орон нутгийн иргэдийн шүүмжлэл олны чихэнд хүрч чадахгүй. Гэхдээ дахин Д. Оюунхорол гишүүнийг сонгохгүй гэдэг үгээ гишүүнд дайсан сурагтай. Тиймээс эрхэм гишүүн Д. Оюунхорол Баянгол дүүргийн Засаг даргыг хамтрагчаараа сонгож ийнхүү тойргоо онилоод байгаа гэнэ. Ямар ч байсан нийслэлийн нэг мандатыг сугалж чадах эсэх нь түүний улс төрчийнх нь авьяас л шийдэх үлдлээ.

Г. Гэрэлт