Өнөөдрөөс эхлэн ихэнх нутгаар хур тунадас орж, хүйтэрнэ. Ялангуяа, ойрын хоёр хоногтоо говь талын нутгаар салхи шуургатай, ихэнх нутгаар хүйтэн байхыг малчид, тариаланчид, ард иргэддээ анхааруулж байна.

2015 оны 10 дугаар сарын 17-ны 10 дугаар сарын 21-нийг хүртэлх

 цаг агаарын урьдчилсан  төлөв: 

Энэ сарын 17, 20-нд зүүн зүгийн зарим нутгаар, 19-нд баруун зүгийн нутгийн хойд, төвийн нутгийн зарим газраар хур тунадас орно. Салхи ихэнх хугацаанд зарим газраар секундэд түр зуур 16 метр хүрч шороон шуурга шуурна. Алтай, Хангай, Хөвсгөл, Хэнтэйн уулархаг нутгаар шөнөдөө 10-15 градус хүйтэн, өдөртөө 2 градус хүйтнээс 3 градус дулаан, говийн бүс нутгийн өмнөд хэсгээр шөнөдөө 1 градус дулаанаас 4 градус хүйтэн, өдөртөө 8-13 градус дулаан, бусад нутгаар шөнөдөө 3-8 градус хүйтэн, өдөртөө 3-8 градус дулаан байна.