Холливудын сайхан бас нэлээн дуулиан дэгдээх дуртай хосуудын нэг Рианна, Крис Браун нар байсан билээ. Хосууд олон удаа салж нийлж байсан бөгөөд Крис Браун хайртай бүсгүй Рианнадаа гар хүрч шүүхээс ял авч байсан удаатай. Тэгвэл Рианна өмнөх залуугаа мартаж шинэхэн амрагтайгаа учирсан тухай гадны хэвлэл мэдээллээр шуугиж эхэллээ. Тэрээр дуучин Николь Шерзингерын найз залуу байсан “Формула-1”-ийн нисэгч Льюис Хэмилтонтой хайрын романс үүсгэсэн гэнэ. Хосууд эртнээс бие биедээ таалагдаж эхэлсэн бөгөөд хэд хэдэн удаа олны өмнө болзжээ. Хамгийн сүүлд хосууд Нью-Йоркийн томоохон зоогийн газар хамтдаа цагийг өнгөрүүлсэн байна. Тэд хоол идсэнийхээ дараа шөнийн цэнгээний газар зугаацсаны эцэст Рианнагийн гэрт шөнийг хоёулахнаа өнгөрүүлсэн гэнэ.

Эх сурвалж: Шуурхай.мн