Энэ сарын 20-нд Хөвсгөл аймгийн Эрдэнэбулган сумын Зэрлэг багийн “Бургалтай ам”-нд ойн түймэр гарчээ. Түймрийг Хилийн  Хилийн 0257 дугаар ангийн 5 албан хаагч, орон нутгийн 27 иргэн шуурхай ажиллаж, цурамд оруулжээ.

Одоогоор улсын хэмжээнд нэг ойн түймэр асч байгаа талаар ОБЕГ-аас мэдээллэв. Энэ сарын 20-нд Увс аймгийн Сагил сумын Баянзүрх багийн “Ишгэлдэйн-Ам”-нд ойн түймэр гарлаа гэсэн дуудлага ОБЕГ-т иржээ. Үүний дагуу аймгийн Онцгой байдлын газрын 10 албан хаагч, орон нутгийн 44 иргэн, 4 автомашин түймрийг унтраахаар ажиллаж буй юм байна.