Өнөө маргаашдаа нутгийн зүүн өмнөд хэсгээр дуу цахилгаантай бороо орох тул үер усны аюулаас сэрэмжтэй байхыг Ус, цаг уур орчны шинжилгээний газраас малчид ард, иргэдэд онцгойлон анхаарууллаа.
Энэ сарын 10-нд зүүн зүгийн нутгийн зүүн хэсгээр, 11-нд баруун болон зүүн зүгийн нутгийн зарим газраар, 12-нд баруун болон төвийн нутаг, говийн нутгийн баруун хэсгээр, 13-нд ихэнх нутгаар бороо орно. Дуу цахилгаантай. Салхи 10-нд Алтайн уулсаар, 11-нд нутгийн баруун хагаст, 12,13-нд ихэнх нутгаар секундэд түр зуур 16-18 метр хүрч ширүүснэ. 10,11-нд ихэнх нутгаар халж Алтай, Хангай, Хөвсгөлийн уулархаг нутгаар шөнөдөө 7-12 градус, өдөртөө 23-28 градус, Орхон-Сэлэнгийн сав газар, говийн бүс нутгийн өмнөд хэсэг, Дорнод, Дарьгангын тал нутгаар шөнөдөө 18-23 градус, өдөртөө 34-39 градус, бусад нутгаар шөнөдөө 14-19 градус, өдөртөө 29-34 градус дулаан байна. 12-нд баруун зүгийн нутгаар, 13-нд ихэнх нутгаар сэрүүсэх юм байна.
Холбоотой мэдээ
Comments are closed.