Улаанбаатар хотын Захирагчийн ажлын албаныхан баяр наадмын тохижилт, засвар үйлчилгээний ажилтай танилцлаа. Төв цэнгэлдэх хүрээлэнгийн шагайн болон сурын талбайн засвар эхэлж, ногоон байгууламжийг нэмэгдүүлж байгаа аж. Мөн замын нөхөөс хийж, хашлагыг нь засварлаж, цахилгааны нэмэлт эх үүсвэрийг байршуулж байгаа юм. Сонгинохайрхан дүүргийн тохижилт үйлчилгээний ажилчид түүвэр цэвэрлэгээ хийж, “Нийтийн үйлчилгээний Улаанбаатар нэгтгэл” ОНӨААТҮГ– ын ногоон байгууламжийн ажилтнууд үүдний хэсэгт цэцэг тарьж эхэлжээ. Наадмын тохижилтын ажлын хүрээнд Зайсангийн тойруугийн эвдрэл ихтэй 460 метр замыг засч, явган хүний зам тавих аж.

Эх сурвалж: Шуурхай.мн