Өчигдрийн байдлаар согтуугаар тээврийн хэрэгсэл жолоодсон 76 жолоочийг журамлажээ. Замын цагдаагийн газрын мэдээлэл шуурхай удирдлагын хэлтэст өчигдөр 300 гаруй дуудлага ирсэн байна. Зам тээврийн осолд сургуулийн насны хоёр, сургуулийн өмнөх насны нэг хүүхэд өртжээ.

Сонгинохайрхан дүүргийн нутаг Орбитын замд Х.Аванте маркийн авто машины жолооч Б нь явган зорчигч З-г мөргөж гэмтээсэн.

Баянгол дүүргийн нутаг ТБД Андууд дэлгүүрийн гарцан дээр Т.Приус маркийн авто машины жолооч С нь явган зорчигч Д-г мөргөж гэмтээсэн хэрэг тус тус гарсан байна.

Шуурхай.мн