2015 оны 04 дүгээр сарын 08-ны өдрийн 10 цагийн байдлаар:

МОНГОЛ УЛСАД:

Улаанбурхан өвчин:

4 дүгээр сарын 07-ны өдрийн байдлаар Улаанбаатар хотын8 дүүрэг, Өмнөговь, Өвөрхангай, Дархан-Уулаймагт Улаанбурхан өвчний 742 сэжигтэй тохиолдол бүртгэгдсэнээc 152 тохиолдол (20%) нь лабораторийн шинжилгээгээр батлагдсан байна. Эх сурвалж: ХӨСҮТ

Хоолны хордлого:

2015 оны 04-р сарын 7-ны өдрийн 14:00 цагт БГД-ийн “Хүрээ тулга” бүрэн дунд сургуулийн хүүхдүүдийн дунд хордлого бүртгэгдсэн талаар мэдээлсэн байна. 160 хүүхэд, 9 багш ажилчдыг асуумж судалгаанд хамруулсан ба 69 хүнд эмнэлзүйн шинж тэмдэг(бөөлжих, дотор муухайрах, гэдэс базлах, суулгах, ам цангах, хөлрөхзэрэг) илэрч, 3 хүн ХӨСҮТ-д хэвтэн эмчлэгдэж байна. 53 хүнээс лабораторийн шинжилгээнд сорьц цуглуулж, лабораторийн шинжилгээ болон тархварзүйн судалгаа үргэлжилж байна. Эх сурвалж: ХӨСҮТ

Архины хордлого:

3 дугаар сарын 31-ээс Нийслэлийн эмнэлгүүдэд нийт 367 хүн хандаж, 29 хүн хэвтсэн эмчлэгдсэн байна. Энэ нь өнгөрсөн 7 хоногийн үзүүлэлтээс 9 хүнээр буурсан байна. Эх сурвалж: НЭМГ

ДЭЛХИЙ ДАХИНД

Эбола вируст халдвар, дэлхий дахинд:

4 дүгээр сарын 01-ний өдрийн шинэчлэгдсэн мэдээгээр дэлхийн 10 улс (Либери, Сьерра-Леон, Гвиней, Мали, Нигери, Сенегал, Бүгд Найрамдах Ардчилсан Конго, АНУ, Испани, Их Британи)-д нийт 25244 хүн өвчилж, 10494 хүн (41.5%) нас барсан байна. 3дугаар сарын 25-аас хойш нийт 82 лабораториор батлагдсан тохиолдол, Гвинейд 57, Сьерра-Леонд 25 тохиолдол нэмэгдсэн бол Либерит сүүлийн 4 долоо хоногт батлагдсан тохиолдол бүртгэгдээгүй байна. Эх сурвалж: ДЭМБ

Эх сурвалж: Шуурхай.мн