Хэнтий аймгийн Цэнхэрмандал сумын иргэн мал амьтнаас хүнд халдварладаг, байгалийн голомтот хурц халдварт боом өвчин туссан байна. Зоонозын өвчин судлалын үндэсний төвийн лабораторид шинжлүүлэхэд арьсны хэлбэрийн боом өвчнөөр өвчилсөн болох нь тогтоогджээ. Энэ талаар Хэнтий аймгийн Мэргэжлийн хяналтын газрын дарга Б.Сүнгээгээс тодруулахад“Боом өвчний шинж тэмдэг илэрч холбогдох байгууллагууд дээж авч шинжилгээ хийхэд боом өвчин болох нь тогтоогдсон. 54 настай О нь Багануур дүүргийн Эрүүл мэндийн төвд хэвтэн эмчлүүлж байгаа” гэлээ. Одоогоор нийслэлийн хоёр дүүрэг болон нэг аймгийн нутаг дэвсгэрт мал, амьтны гоц халдварт өвчин болох боомын шинж тэмдэг илрээд байгаа аж.

С.ХОРЛОО