Сүүлийн өдрүүдэд хүчтэй салхи шуурга шуурч улмаар гэрээсээ төөрч осгож нас барах тохиолдол их байна. Өчигдөр Дундговь аймгийн Сайнцагаан сумын ерөнхий боловсролын сургуулийн 11 ангийн сурагч “Ц” нь сумынхаа төвөөс 2 км-ийн зайд нас барсан байжээ. Эрлийн багийнхан түүний цогсыг олж авсан бөгөөд цагдаагийн ажилтнууд  хэргийг шалгаж эхлээд байгаа аж.

Мөн Булган аймгийн Орхон сумын “Баруун бэл” гэдэг газар амьдарч байсан малчин залуу өнгөрсөн сарын 24-өөс хойш олдоогүй юм. Аймгийн Онцгой байдлын хэлтсийнхэн эрлийг шаргуу зохион байгуулснаар өнгөрсөн бямба гарагт  түүний цогцсыг гэрээс нь 6 км зайтай газраас олжээ.

Эх сурвалж: Шуурхай.мн