Цагаан сарын баярын өдрүүдэд нийтийн зорчигч тээврийн үйлчилгээ шинийн 1,2,3 буюу 2015 оны хоёрдугаар сарын 19,20, 21-ны өдрүүдэд өглөөний 08.00 цагаас орой 22.30 цаг хүртэл баярын хуваариар, шинийн 4 буюу хоёрдугаар сарын 22-ны өдөр ердийн амралтын өдрийн хуваариар өглөөний 08.00 цагаас орой 22.30 цаг хүртэл ажиллана. Үндсэн 69 чиглэлд 613, хот орчмын 10 чиглэлд 48, нийт 661 их багтаамжийн автобус, троллейбус, туслах 17 чиглэлд 96 бага багтаамжийн микроавтобус бүгд 757 тээврийн хэрэгсэл ажиллана. Мөн нийслэл хотын дотор таксийн үйлчилгээнд 18 аж ахуйн нэгжийн 667 такси ажиллаж, дуудлагаар үйлчлэх юм байна.