Холливудын алдарт залуу дуучид болох Тэйлор Свифт, Селена Гомез нар сайн найзууд билээ. Гэвч тэдний хоорондын харилцаанд үл ойлголцол гарч өнгөрсөн дөрөвдүгээр сард Ким Кардашианы хоёр дүүгээс болж муудалцсан. Тэгвэл дуучин Селена Гомез АНУ-ын Лос-Анжелес хотын Nokia театрын LA Live танхимд 2014 оны Америкийн хөгжмийн шагнал гардуулах ёслолын үеэр найзаасаа уучлалт гуйжээ.  Уг арга хэмжээний үеэр дуучин Селена Гомез “The Heart Wants What It Wants” дуугаа дуулсан юм. Тэрбээр дуугаа дуулсныхаа дараа “Надад яг одоо найз хэрэгтэй байна. Намайг уучлаарай. Тэйлор Свифт намайг уучлаарай. Хоёулаа хичээх л юм бол өмнөх шигээ сайн найзууд болж чадна” хэмээжээ. Харин  Тэйлор Свифт  өөрийн твиттертээ  “Баярлалаа. Селена”  хэмээн жиргэж найзыгаа уучилсан байна.

Эх сурвалж: Шуурхай.мн