Японд өнгөрсөн бямба гарагт 6,8 магнитудын хүчтэй газар хөдлөлт болж 39 хүн хүнд хөнгөн гэмтэж бэртсэн байна. Тус улсын Цаг уурын удирдах газрын мэдээлснээр, газар хөдлөлтийн төв нь Нагано мужийн нутаг дэвсгэрт 10 км гүнд байжээ.

Энэ оны есдүгээр сард оргилж, улмаар 50 гаруй хүн амиа алдсан, Нагано мужийн ойролцоо оршдог Онтакэ галт уул газар хөдлөлтийн үеэр идэвхжээгүй байна. Байгалийн гамшгийн улмаас Нагано мужийн Хакуба суурингийн хэд хэдэн байшин эвдэрч сүйджээ. Аврагчид нурангинд даруулсан хүмүүсийг бүгдийг нь аварч чаджээ. Нийт 21 хүн аварснаас хоёр нь хөнгөн бэртсэн аж.

Эх сурвалж: Шуурхай.мн