Хошин урлагийн нэрт төлөөлөгч алиалагч, жүжигчин Т.Латифийн нэрэмжит “Латиф сан”-гийн гурван жилийн ойн баярт зориулсан хүндэтгэлийн тоглолт болох гэж байна. Гурван жилийн өмнө Т.Латиф агсны хүү Байзада аавынхаа нэрэмжит “Латиф сан”-г байгуулсан юм. Өнгөрсөн хугацаанд тус сангийнхан урлагийн салбарт өөрийн хувь нэмрийг оруулах олон ажлыг санаачлан хэрэгжүүлж Монгол орныхоо 21 аймаг, 300 гаруй сумдаар аялан тоглолт хийж, авьяаслаг хүүхэд багачуудад дэмжлэг үзүүлсэн байна. Хүндэтгэлийн тоглолт энэ сарын 8-нд Монголын хүүхдийн ордонд болох юм байна.