Өнөөдөр үүрийн 04:00 цагийн үед Ленин клубын автобусны буудал орчимд зам тээврийн ноцтой осол гарч, хоёр хүн газар дээрээ амиа алджээ. Тодруулбал, Сүхбаатар дүүрэг буюу Төв шуудангийн уулзвараар хурд хэтрүүлэн орж ирсэн УНЕ 2126  Саната-7 маркийн автомашин Ленин клубын автобусны буудлын хажуугийн зам дагуух гэрлийн шонг мөргөн улмаар тухайн автомашинд зорчиж явсан зорчигч болон жолооч нь газар дээрээ амиа алдсан байна. Албаны эх сурвалжийн өгсөн мэдээллээр осолдсон автомашины жолооч нь согтууруулах ундаа хэтрүүлэн хэрэглэсэн байсан гэнэ. Тухайн үед уг автомашинд жолоочоос гадна таван зорчигч зорчиж байжээ.