Алдарт реппер, реалити шоуны од Ким Кардашианы нөхөр болох Канье Уэст шүүхийн хаалга татаж хоёр жилийн ял авчээ. Дэлхийн алдартай оддыг үргэлж л папарациуд дагаж явдаг нь хэцүү ч реппэр Канье Уэст уураа барьж тэвчилгүй Лос-Анжелесийн  онгоцны буудал дээр папарацийг зодсон хэргээр шүүхэд татагдсан юм.

Түүнд шүүхээс  хоёр жилийн хорих ял оноож, ялыг тэнсэн харгалзах ял болгон хөнгөлжээ. Үүнээс гадна 250 цагийн засан хүмүүжүүлэх ажил, мөн 24 цагийн албадан эмчилгээ хийлгэх ёстой болжээ.
Тэрбээр өмнө нь буюу 2008 онд мөн шүүхээр орж, 10 мянган доллар төлөхөөр болсон. Тухайн үед  Уэстийн хамгаалагч папарацийг зодож, үнэтэй аппаратыг нь гэмтээж байсан аж.

Эх сурвалж: Шуурхай.мн