Монгол Улсад хоёр хөршийн тэргүүнүүд айлчлах болсон нь дэлхийн нийтийн анхаарлыг ихээхэн татаж байна.  Гэвч өнөөдрийг хүртэл тэдний айлчлалын тов тодорхой болоогүй байсан юм.  Тэгвэл албан бус мэдээллээс үзэхэд хоёр хөршийн айлчлалын тов зарлагдаад байгаа аж.

Тодруулбал, БНХАУ-ын дарга Си Зинпинь энэ сарын 23-нд, ОХУ-ын Ерөнхийлөгч В.В.Путин ирэх есдүгээр сарын 3-нд айлчлахаар болсон гэх мэдээлэл байна.  Юутай ч эхний айлчлал болох БНХАУ-ын дарга Си Зинпинийн айлчлалд  УИХ, Засгийн газрын сайд, Ерөн¬хий¬лөгчийн Тамгын газрынхан бэлдээд эхэлчихсэн.  Үүнийг Эдийн засгийн хөгжлийн сайд Н.Батбаяр хариуцаж байгаа юм.

Дээрх хэлсэнчлэн хоёр хөршийн энэ удаагийн айлчлал дэлхийн нийтийн анхааралд байгаа гэдгийг дахин онцолж хэлье.  Мэдээж дээрх айлчлалын хүрээнд томоохон бодлогын баримт бичгүүд,  хамтын ажиллагааны санамж бичигт гарын үсэг зурах нь тодорхой.  Гэвч айлчлалын үр дүн юу байх, ямар зорилго өвөртөлсөн талаар судлаачид, улстөрчид өөр өөрсдийн өнцгөөс тайлбарлаж байгаа юм.  Мөн гадна дотнын хэвлэл мэдээллүүд ч энэ удаагийн айлчлалын өөр өөрсдийн хэмжээнд дүгнэж байна.