Өнөөдөр Турк улсад ерөнхийлөгчийн сонгууль болж байгаа. Харин энэхүү сонгууль нь ихэд ач холбогдолтой юм. Учир нь саяхныг болтол тус улсын Ерөнхийлөгчийг парламентаас сонгодог байсан бол энэ удаад бүх ард түмний санал хураалтын үр дүнд сонгох гэж байгаа аж.

Энэхүү сонгуульд оролцогчдоос Ерөнхий сайд Рисеп Таюп Эрдоганы ялах магадлал хамгийн өндөр байгаа болохыг Анкара болон Стамбул хотуудын гудамжинд иргэдээс авсан санал асуулга тодорхой харуулсан гэнэ.

Турк улсын Ерөнхийлөгчийн сонгуулийн анхан шатны санал хураалт энэ сарын 10-нд буюу өнөөдөр болно. Туркийн Ерөнхийлөгчийн сонгуульд тус улсын 53 сая гаруй сонгогч шууд оролцох ба гадаад улсад амьдарч байгаа Туркийн 2,8 сая гаруй иргэн долдугаар сарын 31-нээс эхлэн саналаа өгч эхэлсэн байна.

Шуурхай.мн