Хүн амын хөгжил, нийгмийн хамгааллын яамнаас өрхийн амьжиргааны төвшинг тогтоох судалгааг орон даяар зохион байгуулж байсан. Судалгаанд үндэслэн энэ жил 15137 өрхийн 87778 иргэнд хүнсний талон олгох шаардлагатай гэж үзжээ. Тиймээс хүнсний талон олгох ажлыг өнгөрсөн хавраас эхлүүлсэн юм байна.
Хүнсний талоноор том хүн сардаа 10 мянга, хүүхэд  5000 төгрөгийн хүнс авах боломжтой. Үүнд мах, сүү, гурил, өндөг, хүнсний ногоо, хүүхдийн каш, будаа, жимс жимсгэнэ гэсэн нэр төрлийн бараа бүтээгдэхүүн хамаардаг байна. Тэдгээрийг улсын хэмжээнд 668 хүнсний дэлгүүрээр дамжуулан олгодог ажээ.