Өнөөдөр үндэсний баяр наадмаар зүлэг ногоон дэвжээнээ барилдах бөхчүүдийн бүртгэл эхэлсэн билээ. Энэхүү бүртгэлд саяхан дархан аварга цол хүртсэн А.Сүхбат аварга бүртгүүлсэн гэнэ. Монгол бөхийн цолны найрааг эсэргүүцэн зүлэг ногоон дэвжээнээсээ зодог тайлаад нилээдгүй хугацааг үдсэн ч өнөө жил зодоглох нь баталгаатай боллоо.

Төв аймгийн Сэргэлэн сумын харьяат А.Сүхбат улсын наадамд 1993 онд зургаа давж өсөх идэр начин, 1997 онд долоо давж заан, 1998 онд зургаа давч “үлэмж бадрах” чимэг, 1999 онд тав давж “саруул сайжрах” чимэг, 2000 онд ес давж түрүүлэн “улсын арслан”, 2001 онд Ардын хувьсгалын 80 жилийн ойгоор арав давж түрүүлэн улсын аварга, 2002 онд долоо давж, хуурнин шуугигч чимэг, 2003 онд долоо давж саруул сайжрах чимэг, 2004 онд ес даван түрүүлж далай аварга цол, 2005 онд зургаа давж үнэн зоригт чимэг, 2006 онд зургаа давж цогт гарамгай чимэг тус тус хүртжээ.

Эх сурвалж: Шуурхай.мн