Тулгар төрийн 2223, Их Монгол Улсын 808, Ардын хувьсгалын 93 жилийн ой, Үндэсний их баяр наадмын Урианхай сурын харваа Сурын талбайд өнөөдөр эхэлж байна.
Эрийн гурван наадмын хүчит бөх, сур харваа, хурдан морь нь эрт дээр үеэс уламжилж ирсэн түүхтэй. Үүн дотроос сурын харваа нь зөвхөн тэмцээн бус Монголын өв соёл, уламжлал, зан заншлыг хадгалж ирсэн онцлогтой юм. Манай оронд үндэстэн ястны онцлогийг дагаад гурван янзын сур харваа буюу халх, урианхай, буриад гэсэн төрлөөр сур харваж байна.
Үндэсний их баяр наадмын Урианхай сурын харвааны аваргууд өнөөдөр тодорч, баяр наадмын сурын харваа маргааш Буриад сурын харваагаар үргэлжилнэ. Ийнхүү Монголын эрийн гурван наадам эхэллээ.

Эх сурвалж: Шуурхай.мн