Монголын рок поп урлагийн тайзан дээр нэгэн үе гал цогтой гарч ирэн олон залуусын харцыг булааж байсан дуучин Соко уран бүтээлээсээ хөндийрч нам гүмхэн байх болсон. “Харийн залуу” гэх дуугаараа олонд илүү танигдаж байсан тэрээр хөл хүнд болжээ. Тэрээр хөрөнгө чинээтэй эрийн гэргий болж томоожсон сурагтай. Уран бүтээл гэхээс илүүтэйгээр хувийн амьдралдаа анхаарлаа хандуулах болсон тэрээр гэр бүлийн амьдралдаа ихэд сэтгэл хангалуун байгаа гэнэ.

Түүний хайрыг булаасан азтай залуу урьд нь гэр бүл, үр хүүхэдтэй байсан аж. Дуучин бүсгүй хайртай залуугийнхаа талаар“ Би нөхрийнхөө материаллаг талыг харж, бусдын гэр бүлийг салгаж суугаагүй. Бид учрах гэж л учирсан. Одоо л жинхэнэ заяаны ханиа оллоо” хэмээн хэлж байсан юм.

Эх сурвалж: Шуурхай.мн