Эрүүл мэнд аялал жуулчлалын чиглэлээр үйл ажиллагаа явуулдаг “World medical tourism” компани БНСУ-ын Сөүл хотын Ганнам дүүрэгт байрлах “Top class” тэргүүлэх зэргийн гоо сайханы эмнэлэгтэй хамтран гоо сайхны мэс заслыг үнэ төлбөргүй хийх юм байна. Уг үйл ажиллагааг дээрх байгууллагууд хүмүүнлэгийн зорилгоор зохион байгуулж байгаа юм байна. Манай улсаас эрүү нүүрэндээ гэмтэл, согогтой  эсвэл осолд орж нүүрэндээ гэмтэл авсан түүнээсээ болж бусдад гадуурхагддаг  зарим эмэгтэйг БНСУ руу үнэ төлбөргүй хагалгаанд оруулж гарах, зардлыг БНСУ-ын тал бүрэн хариуцах юм байна. Энэхүү хүмүүнлэгийн үйл ажиллагааг зохион байгуулж байгаа “World medical tourism” компани өмнө нь хэд хэдэн өвчтнийг БНСУ-д эмчлүүлж байжээ.

Н.Ганбат