Нийслэлийн замын сангийн хөрөнгөөр 9 байршилд байгалийн чулуун зам тавих ажил он дамжин хэрэгжиж байгаа юм.
Тэгвэл тэдгээрээс 2 байршилд хийгдэх боломжгүй болжээ.  Тодруулбал Чингэлтэй дүүргийн 1-р хорооны нутаг дэвсгэрт орших Жигжиджавын гудамжийг Энхтайваны өргөн чөлөөтэй холбох 0.1 км, Сүхбаатар дүүргийн 1-р хорооны нутаг дэвсгэрт орших Жамъян гүний гудамжнаас Гэндэнгийн гудамж хүртэлх 0.26 км авто замуудыг барихад газар чөлөөлөх боломжгүй болсон тул байршлыг өөрчилсөн тухай нийслэлийн Засаг даргын захирамж батлагдсан байна.
Захирамжийн хавсралтаар өөрчилсөн байршлыг баталсан. Үүнд:
1. БГД, 19-р хороо, Жалханз хутагт Дамдинбазарын гудамж, 57-р байрнаас хойш 58-р байрны зүүн талаар Чингүнжавын гудамжтай холбогдох байгалийн чулуун хучилттай авто зам;
2. БГД, 18-р хороо, Жалханз хутагт Дамдинбазарын гудамж, Номун эмнэлгийн зүүн талын орон сууцны хороолол доторх авто замаас 84-р байр хүртэлх байгалийн чулуун хучилттай авто зам барихаар өөрчлөөд байна.

Шуурхай.мн