Энэ мөчийг хөлбөмбөг сонирхогчид, хөлбөмбөгийн хорхойтнууд, фанатууд бүтэн 4 жилийн турш хүлээсэн билээ. Дэлхийн өнцөг булан бүрээс шалгаран гарч ирсэн ширэн бөмбөгийн мастерууд бүтэн нэг сарын турш биднийг уран гоёмсог тоглолт, сонирхолтой үзүүштэй өрсөлдөөнүүдээрээ баясгах болно. Энэ бол бидний хүсэн хүлээсэн мөч, санан дурсах дурсамж.
Ялагч нь эцсийн мөчид тодорч, үр дүн нь сүүлчийн хоромд ч өөрчлөгддөг болохоор, хэн нэгэн заавал ялах ёстой эсвэл заавал гоол оруулах ёстой гэсэн дүрэм хэрэгждэггүй болохоор хөлбөмбөг өөрөө олон хүний сэтгэлийг татаж, тэднийг уйлуулж, гомдоож, харамсуулан догдлуулдаг биз ээ.
Дэлхийн аварга шалгаруулах тэмцээн Бразил улсад зохион байгуулагдах болсон нь өөрөө бидний амьдралд ганцхан удаа тохиох гайхамшигт үйл явдал юм. Тэгвэл энэхүү дэлхийн өнцөг булан бүрт хүлээлт үүсгэж сэтгэл догдлуулсан үйл явдал манай улсын цагаар өнгөрсөн шөнө 03.00 цагт эхэлсэн юм. Ингээд дэлхийн аварга шалгаруулах хөлбөмбөгийн нээлтийн хэсгээс сонирхуулж байна.
Эх сурвалж: Шуурхай.мн
Холбоотой мэдээ
Comments are closed.