Өмнөд Солонгосын рэппер эр PSY-н дуулсан Gangnam Style дууны клип YouTube-ийн түүхэнд анх удаагаа хоёр тэрбум удаа үзсэн амжилтаар энэ дүрс бичлэг бүхий сервисийн хамгийн олон хүн үзэх дуртай клип гэдгээ бататгажээ. Өмнөд Солонгосын дуучин Пак Чэ Саны клипыг өнөө өглөө гэхэд хоёр тэрбум 482 мянган удаа үзсэн байв. Хоёр тэрбум удаа үзсэн амжилтыг өнгөрөгч бямба гаригийн өглөө тогтоосон аж.

Энэ дууны клип уг үзүүлэлтээрээ YouTube-ийн бусад алдартай клипүүдийг хол хаяжээ. Жишээ нь, Канадын дуучин Жастин Биберын Baby дууны клип одоогоор нэг тэрбум гаруй үзэгчидтэй байгаа бол Ylvis хамтлагийн The Fox дууны клип 415 сая удаа тоглогджээ.

YouTube-ийн 8.3 сая хэрэглэгчид Gangnam Style дууны клипэнд лайк дарсан байна. Харин таагүй дүнг үүнээс найм дахин бага хүнээс авчээ.

Шуурхай.мн