“Төрийн орон сууцны корпораци” төрийн өмчит үйлдвэрийн газар иргэдийг хямд үнэтэй, чанартай орон сууцаар хангах төрийн бодлогыг хэрэгжүүлэх, зорилтод бүлгийн иргэдийг орон сууцаар хангах хөнгөлөлтийн бодлогыг хэрэгжүүлэхээр ажиллаж байна гэж тус корпорацийн захирал А.Гантулга хэллээ.
“Буянт-Ухаа” хорооллын төслийн гүйцэтгэгчээр Үндэсний бүтээн байгуулалтын корпораци ажиллаж, Хөгжлийн банкнаас 50 сая долларын санхүүжилт хийгдсэнээр 1500 хүн ажилтай боллоо.
Тус хорооллын орон сууцны нэг м.кв-ын үнэ 1 сая 280 мянган төгрөг байгаа нь зах зээлийн үнээс 25-30 хувиар хямд бөгөөд эхний 1764 айлын орон сууц ашиглалтад орж, иргэдээ хүлээн авахад бэлэн болсон.
Иргэдээс захиалга авах журмын дагуу ТҮЦ машинаар бүртгэл хийж, шаардлага хангасан төрийн албан хаагч, ахмад настан, хөгжлийн бэрхшээлтэй иргэн, залуу гэр бүлүүдийн төлөөлөл 5935 иргэн сугалаанд оролцож, 1540 иргэн байр авах болзлыг хангасан.
Тэгвэл 1764 байрнаас 33-39 м.кв бүхий нэг өрөө 224 байрыг иргэд захиалаагүй үлдсэн тул эдгээр байрыг Засгийн газраас өгөх чиглэлийн дагуу дахин хуваарилахаар болжээ.
Холбоотой мэдээ
Comments are closed.