Монгол Улсын эдийн засаг хүнд цо­хил­­тод ороод хө­рөнгө, мөн­гө санхүү ха­риуц­сан сайд нар тэв­дэж яваа бо­лолтой. Өнгөр­сөн жи­лийн эхнээс л га­даадын шууд хөрөнгө оруу­лалт огцом буурсан нь манай улсын эдийн засагт хүндхэн со­рилт авч ирсэн. Тухайн үед дэлхийн зах зээлээс босгосон “Чингис” бондын хөрөнгө Монгол Улсын дансанд байсан учраас сандрахгүйгээр 2014 онтой зол­госон. Гэтэл Сангийн сайд Ч.Улаан энэ жил ч мөн л өр тавьж хүнд байдлаас мултрах боломж байгаа тухай нэгэн ярилцлагадаа онцолжээ.

Түүний “Өрнөөс айгаад зээл авахгүй бол улс хөгжихгүй” гэсэн гарчигтай ярилцлагын агуулга нь манай улсад бү­тээн байгуулалтын ажил өрнөх ямар ч боломжгүй болоод байгаа аж. Хэрвээ бүтээн байгуулалтын ажил өрнөхгүй бол ажилгүйдэл нэмэгдэж, төсөвт ху­римт­лагдах мөнгөний хэмжээ ч улам багасна гэсэн үг.

Тиймээс хэзээний тоонд сайн, тоо­цоотой сайд маань толгойноосоо дээш гарсан өрнөөс айлгүй том дуугарч явна. Гэвч Төсвийн тухай хуулиар дахин зээл авах боломжгүй болчихоод байгаа билээ.

Эх сурвалж: