Энэ жилээс эхлэн жил бүрийн 9 дүгээр сарыг “Оюутны эрүүл мэндийг дэмжих сар” болгохоор шийдвэрлэсэн байна.

“Оюутны эрүүл мэндийг дэмжих сар”-ын нээлтийг ирэх баасан гарагт буюу энэ сарын 6-ны өдөр Чингисийн талбайд зохион байгуулахаар болжээ. Энэ үеэр оюутнуудад эрүүл мэндээ хэрхэн хамгаалах талаар сургалт, сурталчилгаа явуулж, эрүүл мэндийн даатгалд хамруулах, хараа шалгах, амны хөндийн үзлэг зөвлөгөөг өгөх, өндөр жин үзэх зэрэг олон үйл ажиллагаа зохион байгуулах юм байна.

Ийнхүү сургалт, сурталчилгаа явуулаад зогсохгүй оюутнуудыг эрүүл мэндийн даатгалд хамруулах ажлыг эрчимжүүлэх гэнэ. Оюутнууд эрүүл мэндийн даатгалд хамрагдсанаар жилдээ 1,328,000 төгрөгийн эмнэлгийн тусламж үйлчилгээг үнэ төлбөргүй авах эрхтэй байдаг аж. Мөн оюутнууд сайн дурын үүднээс нийгмийн даатгалд даатгуулах боломжтой гэнэ.

Эх сурвалж: Шуурхай.мн