Их хэмжээний усархаг бороо үргэлжлэн орж байгаагийн улмаас  өнөөдөр Баянзүрх дүүргийн Дарь-Эхийн хуучин эцэст байрлах  27 дугаар хорооны байр усанд автжээ. Тодруулбал, тус хорооны байр сарын өмнө шинээр ашиглалтад орсон бөгөөд нэгдүгээр давхар нь  усанд автаад байгаа юм байна.

Гурван давхар хорооны энэ барилгыг анх барих зөвшөөрөл, геологийн дүгнэлтийг “Бар инж гео” компани буруу гаргаснаас энэ байр байнга усанд автдаг. Тус компани анх дүгнэлт гаргахдаа газрын гүнээс гурван метр доош ухахад гүнийн ус гарахгүй гэж дүгнэсэн байдаг. Гэтэл одоо газрын гүнийн ус барилгын доод давхрыг дүүргээд байна гэж хорооны Засаг дарга мэдэгджээ.

Эх сурвалж: Шуурхай.мн