МАХН гэдэг нэрийг авахад чамлахааргүй их хувь нэмэр оруулсан Ц.Шинэбаяр гишүүн өдгөө Хамуг Монголын хөдөлмөрийн намыг тэргүүлэх болсон. Уг нь түүнийг МАХН-ынхан ихээхэн үнэлж, дэд даргын суудлаа тавьж өгөөд зогсолгүй дараагийн сонгуульд номер “хоёр” хүнээр тодруулан зам мөрийг нь засч дардан шулуун болгож өгөхөөр ярилцаж байсан гэх юм билээ.

Гэвч тэрбээр өөрийгөө хамаг Монголд нэрд гарч, хаа ч очсон газардахгүй хэмээн хөөрөлхөж номер нэг хүн болохоор зүтгэж байгаа нь энэ. Гэхдээ бодит байдал дээр түүнийг гэхээсээ МАХН-ын номер нэг хүн экс Ерөнхийлөгч Н.Энхбаярыг гэх хүн олон гэх үгийг учир мэдэх улс хэлж байна билээ.

Тэгэхээр эрхэм түшээ Ц.Шинэбаяр өөрийгөө хэтэрхий өндөр үнэлсэн байж таарлаа. Ямартай л энгийн иргэдийн дунд болжмор бүргэдийн дэвэлтээр дэвж “амжих уу” гэх егөөдөл газар авсан байх вэ. Хэрвээ хийсвэр сэтгэлгээгээр хөөрөлхөн байгуулсан Хамаг Монгол хөдөлгөөн нь итгэл хөсөрдүүлж, мань хүн газардвал хэн түүнийг өвөр түрийдээ авах бол… Сонин л санагдаад байгаа юм даа.