Лениний музейтэй холбоотой Нийслэлийн давж заалдах шатны шүүх хурал өнөөдөр боллоо. Хурлаар МАН-ын гаргасан давж заалдах нэхэмжлэлийг авч хэлэлцээд Лениний музейг төрийн өмч гэж тогтоолоо. Хэрэв энэ шийдвэрийг МАН-ын зүгээс хүлээн зөвшөөрч, дахин давж заалдахгүй бол АНУ-аас авчирсан үлэг гүрвэлүүдийг Лениний музейд байрлуулах юм.

Лениний музейтэй холбоотой Нийслэлийн давж заалдах шатны шүүх хурал өнөөдөр болж МАН-ын гаргасан давж заалдах нэхэмжлэлийг авч хэлэлцээд Лениний музейг төрийн өмч гэж тогтоолоо.

Лениний музейн барилгын асуудлаарх анхан шатны шүүх хурал өнгөрсөн зургадугаар сарын 13-нд Чингэлтэй дүүргийн шүүхэд болж байсан ба тус шүүх хуралдаанаар МАН-ын эзэмшиж байсан барилгыг музейн зориулалтаар ашиглах нь зөв хэмээн үзэж эзэмшигчээр нь Төрийн өмчийн хороог тогтоож, МАН-ыг хууль бус өмчлөгч тул уг байрнаас албадан чөлөөлөх гэсэн шүүхийн шийдвэр гарч байсан билээ. Харин уг шийдвэрийг хууль бус хэмээн үзсэн МАН-ынхан давж заалдсан ч Нийслэлийн шүүх анхан шатны шүүхийн шийдвэрийг ийнхүү хэвээр нь үлдээлээ.

Эх сурвалж: Шуурхай.мн